富臨皇宮 (已結業)

今日约咗契妈同契老豆系佢屋企附近食个晚饭。佢拣咗依间酒楼，因为贪佢可以坐得耐。我地叫咗个堂剪BB猪半只、瑶柱金菇扒豆苗、野山参炖水鸭、离唔开有白饭同啤酒。瑶柱金菇扒豆苗：由于豆苗当造，所以好幼嫩，易入口。配上瑶柱，对钟意食菜既人，值得推介。堂剪BB猪半只：见到佢令我谂起新年或者生日，睇卖相已经觉得猪皮好脆，食落去暖暖地，皮坚好脆，肉味咸咸地得黎腍，好惹味，食得多有点腻。野山参炖水鸭：对我嚟讲好抵饮，大约会有8碗汤之余，仲有汤渣。 汤渣有半只鸭、瘦肉同其他药材，所以饮落去有药材味之余仲饮到原汁原味。个度啲姐姐话每日限量供应，卖晒就冇啦。