阿閒泰 (K11購物藝術館)

营业中

休息中

中午请同事食饭，谂住型啲叫 A la Carte menu，但系发现午市套餐已经好吸引，就改为叫性价比高既set。无意中俾我地点左一个全鸡宴。而汁酱更加系决胜关键。 🍖鸡扒嘅汉堡包，鸡肉好juicy好香，又有比较软身既 mozzarella cheese，令鸡肉感觉更加柔软，然后下底有两块大大块既切片番茄，非常清新。个包上面仲有个煎得好靓嘅太阳蛋，咁就变成一个亲子丼汉堡包。重点就系放喺侧边，唔太起眼既酱汁，甜甜地，辣辣地，有非常提鲜既作用，启动左成个味觉。 🍖另一个我地点嘅系咖哩汉堡蛋包饭。鸡蛋炒得好香滑，个饭够哂干身，呢点好紧要，令到我地可以尽情品尝咖哩汁既味道。湿既饭上面嘅水气喺绝对会影响咖哩汁嘅发挥。而重点系咖喱既味道，有别于一般嘅椰酱味主导，依个咖哩汁够辣之余，又有香茅既味道，有啲似巴东既味，但系咖哩嘅颜色又可以保持抢眼，超好送饭。 🍺饮品一定要介绍黎𠮶鸳鸯，好多地方都有用雪条做冰底，再加饮品，但系雪条融化程度唔同，而且雪条始终系有比较多水，喺去到最后会变好淡，但系佢聪明咁用左奶茶雪糕棒，溶得快之余，仲啖啖的味道都一样。 同时表示满意。