小南國 (已結業)

呢晚成班亲戚去咗小南国度食嘢，拣呢间都系因为比较就佢哋脚咋。呢度同好多中菜馆一样都系有啲要收费嘅餐前小菜，当晚就有辣菜脯同熟花生，正正常常咁。然后我哋就叫咗几样嘢，皮蛋拌豆腐切得平均，加埋葱花同皮蛋睇落都唔错。糖醋小排骨表面就蘸满糖醋汁，食落酸酸甜甜咁。蔬菜沙律入面有青瓜、甘笋同车厘茄之类，同埋系用麻酱调味嘅，味道清清哋。灌汤生煎包个包嘅外皮比较厚身，中间嘅肉馅份量都算适中，汤汁系有不过就唔算多。