影片
更多
2009-09-24
136 浏览
7月19日, 因为呀菲嘅亲戚黎咗, 而菲妈妈又识得呢间嘅老板, 所以今晚就黎食个韩烧~ 我地有8个人嘅关系, 所以可以安排开一间房, 充满私人空间, 仲有电视睇添~ 呀菲话, 佢细细个黎嘅时候, 仲有K唱架!::: 前菜冻食类 :::前菜选择都几多, 差唔多有齐晒食韩国野必有嘅前菜! 我地咁多人, 好处就系每样都可以攞d, 好食嘅有薯仔, 炒粉丝, 豆卜, 白菜仔, 甜鱼仔等等, 如果唔系太多人建议先食呢几样~ 汤类有人参鸡汤, 非常正! 人参味虽然嘛嘛不过十足十老火汤, 当鸡汤饮都好好味, 好少可有得饮呢种汤~ 除此之外, 三文鱼刺身亦系无限量供应!! 虽然每次出嘅份量比较少, 好似我地人多一次已经差唔多攞晒佢一转嘅份量, 总共都攞咗5-6次, 真系食鱼生都抵! 虽然三文鱼刺身系冇正宗日本野咁靓, 但都唔差, 厚切得黎亦很肥美, 肉地都新鲜, 唯一系雪味多咗d, 可能系一出我地就即刻攞啦~ 寿司就真唔掂, 好干d饭又好硬, 千祈咪掂!仲有甜品添~ 有西米露, 蕃薯糖水, 啫喱等… 食咗蕃薯糖水, 味道还可以, 蕃薯唔甜… 不过有失望就系冇我地最钟意嘅雪糕!::: 烧肉类 :::食韩烧
::: 前菜冻食类 :::
前菜选择都几多, 差唔多有齐晒食韩国野必有嘅前菜! 我地咁多人, 好处就系每样都可以攞d, 好食嘅有薯仔, 炒粉丝, 豆卜, 白菜仔, 甜鱼仔等等, 如果唔系太多人建议先食呢几样~
汤类有人参鸡汤, 非常正! 人参味虽然嘛嘛不过十足十老火汤, 当鸡汤饮都好好味, 好少可有得饮呢种汤~
除此之外, 三文鱼刺身亦系无限量供应!! 虽然每次出嘅份量比较少, 好似我地人多一次已经差唔多攞晒佢一转嘅份量, 总共都攞咗5-6次, 真系食鱼生都抵! 虽然三文鱼刺身系冇正宗日本野咁靓, 但都唔差, 厚切得黎亦很肥美, 肉地都新鲜, 唯一系雪味多咗d, 可能系一出我地就即刻攞啦~ 寿司就真唔掂, 好干d饭又好硬, 千祈咪掂!
仲有甜品添~ 有西米露, 蕃薯糖水, 啫喱等… 食咗蕃薯糖水, 味道还可以, 蕃薯唔甜… 不过有失望就系冇我地最钟意嘅雪糕!
::: 烧肉类 :::
食韩烧, 又点能够无肉?! 一次过攞咗好多, 摆到成枱都系~! 主要嘅都不外乎牛鸡猪羊, 味道唔错, 腌肉嘅汁好惹味, 一路烧一路散发出肉嘅香味~ 如果要拣特别嘅, 我就会推介牛舌, 牛仔骨, 猪颈肉同烟肉~ 牛舌烧完出黎爽口又唔韧, 如果可以点海盐就更加好~! 牛仔骨以为好普通, 不过味道一流, 加上少少肥肉同筋, 肉味十足~ 猪颈肉系有少少辣, 十分刺激味觉, 开晒胃, 加上肉地都好爽, 反而呢个肥肉冇乜~ 烟肉就系我地食得最多, 一来快熟., 二来出得油多唔会太黐镬, 卷住蔬菜一齐食又可以减低肥腻度~ 我有些少失望嘅系辣肉选择唔多, 对于嗜辣嘅我觉得差少少~
蔬菜类我地都烧咗冬菇, 鸡髀菇, 翠玉瓜, 茄子等等, 都唔错~
其实食物种类质素都唔差, 因为我地人多所以都冇限我地时, 呢个真系抵赞~ 仲有一间房俾我地, 好有私人空间, 加上有电视睇, 真系可以由8点烧到去11点!
张贴
