夏麵館 (寶石大廈) (已結業)

呢间位于荃湾沙咀道嘅上海菜馆，地方干净企理，阔落光猛，装修雅致，坐得好舒服。虽然系周末晚餐时间，但人客唔算多，对钟意静嘅我哋嚟讲可以更好咁享受美食。干煸四季豆豆嘅质地唔错，爽口得嚟味道唔会太咸，加小小肉碎吊味令成碟菜更香口。XO酱炒猪颈肉猪颈肉肥瘦适中，爽口，同惹味嘅XO酱相辅相承，直头系绝配。洋葱同红椒令碟菜冇咁重口味，但洋葱略嫌辣咗啲。上海担担面嚟上海菜馆点可以唔试下上海担担面。面质偏烟韧，汤底浓厚嘅芝麻酱，偏甜，有啲腻口。鲜肉小笼包肉质同汤汁都算鲜味，皮略嫌厚身，中规中矩。家乡煎饼口感较粉，唔够香口，味道亦较淡高力豆沙炸到脆卜卜，豆沙蓉馅好香，甜而不腻，热食味道一流