犇之食堂 (已結業)

以往几年嘅年尾都系去台湾睇五月天演唱会，今年边度都无得去，唯有拣返间台式餐厅，以满足味觉嘅方法抚慰旅行嘅心。卤肉饭 下午茶$48去台湾必食嘅卤肉饭，喺呢度都点一个试试。卤肉睇得出油光，但又唔会太油腻，焖至软腍的肉质依然保持到有肉香。排骨葱油面 下午茶$65排骨、葱油同面分开上，可以按自己口味而拣落几多葱油。排骨稍稍干身同咸，葱油可以再香口啲就更好，不过如果以呢个下午茶价钱来说，都算系抵食！丫爸的皮蛋豆腐 $42同平时见将皮蛋铺在豆腐试嘅唔同，而系有皮蛋、豆腐同葱切碎，加上木鱼、肉松同酱油捞匀一齐食，味道层次丰富，但又食到豆腐味！香芋芋圆 跟餐+$15有好香香芋味，有啲似雪米糍嘅芋愿味。珍珠奶茶 跟餐+$8珍珠有咬口，奶茶香浓又够滑。