牛壹台食 (已結業)

朋友仔话做嘢附近开咗间台湾嘢，无得去旅行就唯有靠食嘢啦！餐厅嘅墙有天灯相，加少少旅行感。招牌红烧半筋半肉面 关庙面 $88叫牛肉面可拣关庙面或刀削面，而我就拣咗幼身嘅关庙面，口感较Q弹。牛筋牛腩都大大旧，食完真系好饱。必食卤牛饭 $62平时常见用猪肉制嘅卤肉饭，呢度就有用牛肉制成嘅卤牛饭，牛腩煮到好入味。加埋酸菜同萝卜一齐食仲无咁腻。️甜不辣 $36炸到好脆，好烟韧，个味似喺台湾档仔食嘅味道。金桔柠檬红茶 跟餐加$4酸酸地又有茶味，而且够哂大杯，记得搅匀先好饮呀！百香果绿茶 跟餐百香果酸酸甜甜，几适合独热无咩胃口饮。