海都車仔麵茶餐廳

营业中

休息中

去旺角，想食得平啲啲，坐得耐啲啲，朗豪坊对面个熟食中心系其中一个唔错嘅选择。之前去多数食泰国嘢，今次就转转口味，食返传统茶记食物啦。叫咗个咖哩薯仔牛腩煲，上枱时热辣辣，仲发出吱吱声，劲吸引🤤。先饮汤，睇个样以为系行货菜干汤，呷一啖，竟然系咸鱼芥菜汤，绝对有惊喜😍。主角煲仔菜好大煲，饭都好大个，两个人食都够。味道方面，咖哩汁虽然唔太稠但味够浓，牛腩都够腍够入味，反而薯仔因为切薄片，少咗口感。成餐饭饱到上脑，加埋罐可乐都只系 $53，劲抵食👍。