陳勤記鹵鵝飯店 (已結業)

连续五年米芝莲推介的餐厅，终于嚟试下。一入餐厅，店面整洁，中式餐馆嘅装修，座位舒适。呢到嘅店员有礼貌， 会主动加茶。咸菜凉瓜排骨汤 (2人) $78虽然话系凉瓜汤，但唔会好苦，呢个咸菜配凉瓜好夹，解暑得嚟好好饮。苦瓜煲到好淋，我全部食哂，啱我口味。清蒸大肉蟹 $288清蒸系最能够食到蟹肉的鲜味，今日只蟹好大只啖啖肉，肉质食落结实，鲜甜，食得岀几新鲜。亦都好多蟹膏。一只两个人分绝对有多，配埋个姜醋酱汁，一流瑶柱蛋白海鲜炒饭 $92本身想简个饭配只大肉蟹，清清地瑶柱蛋白海鲜炒饭，点知好有惊喜，有虾仁鱼柳，好足料，送蟹膏一流。一个人$270，咁嘅质素，又有蟹食，绝对收货