天海家草庵 (已結業)

天海家草庵系上环天海嘅姊妹店，上环天海系做omakase，而北角呢间主打天丼同天妇罗定食。餐牌都几多选择，最平嘅天丼一百蚊都唔驶，走抵食平民路线。我哋两个人点咗一个最贵嘅海鲜天妇罗定食，一个天妇罗定食(梅)。海鲜天妇罗定食摆盘摆得好，软壳蟹同虾都摆到竖起身，卖相好靓。吸油垫纸上无乜油，证明炸功唔错海鲜天妇罗定食包括半只软壳蟹、两只虾、鱿鱼、帆立贝、白身鱼同秋葵。天妇罗衣炸得够脆，而且唔油腻。天妇罗虾算唔上好鲜味，但口感都几弹牙。白色鱼同鱿鱼都好鲜甜。反而帆立贝就一般，鲜味欠奉，而且天妇罗衣同帆立贝分离。第一次食天妇罗软壳蟹，蟹脚脆卜卜，蟹身有肉浓蟹味。而且炸得干爽，一啲都唔油腻。另一个天妇罗定食(梅)就无咁丰富，但份量都足够，有两只虾，白身鱼同两款野菜(南瓜&莲藕)。定食包括沙律，前菜，味噌汤同白饭或乌冬。沙律好新鲜，沙律菜爽脆。餐牌写明前菜系柚子大根，但因为卖晒所以转咗做鹿尾菜煮物。我自己就好钟意，系喺日本先食到嘅味道，送饭一流，但我估未必啱香港人口味。听到隔离枱对于柚子大根卖晒有点不满，明明餐牌写住「名物柚子大根」，既然系名物但无供应真系有啲奇怪，建议餐厅无供应就唔好写上餐牌。白萝