東京食堂 (已結業)

东京食堂真系好隐蔽，我第一次去嘅时候，来回咗几次先揾到个入口，不过撞正晏昼落场时间，无缘帮衬。今次终于食到啦。叫咗个牛肉寿喜烧定食，白饭转猫饭。首先要讲下个饭，猫饭即系加咗牛油，紫菜，木鱼片同鲣鱼酱油嘅饭，基本上够哂味，好好食，唔使食𩠌都可以啪哂成碗饭。前菜嘅蟹肉忌廉薯饼同味噌汤都系现成嘢，正常水准，至于个牛肉寿喜烧就好丰富，除咗份量非常多嘅牛肉之外，仲有金菇，杂菇同洋葱，食物嘅热力将只生鸡蛋变成蛋花，令到汤汁鲜甜之外加上质感，我忍唔住又饮到见底。食完成个餐，感觉超满足。