BBQ美食店 (已搬遷) 新店位置

以前细个都会逢秋天就去烧嘢食，人愈大就愈懒，连烧烤场都唔去，但间唔中都会想食好juicy嘅烧鸡翼，就可以去西环嘅BBQ。走港式烧烤风格，但同时有日式佐酒小食，环境是街坊亲民路线，但胜在嘢食够好味，CP值高，连本人住喺大西北嘅朋友都间唔中要去食。餐牌有烧牛猪鸡海鲜蔬菜，点都会揾到嘢食，唔可以错过佢哋嘅粥，每日只有一款，自家煲制，入口绵滑又美味。留意返，全部食物即叫即烧/整，要预少少时间，同埋位置有限，最好订台呀！烧鲍鱼鲍鱼唔会烧到太老，面层铺满葱、蒜蓉，为鲜甜嘅饱鱼增添惹味。菜干猪骨粥完全食得到餐厅自己煮，大大旧猪骨同菜干，吃得到的咸香绵密。烧鸡翼 $28一份有3件，次次都会必点，真系有自己烧嘢食果种味！软壳蟹沙律即叫即炸嘅软壳蟹，脆卜卜，加埋蔬菜，扮健康之选。鸡泡鱼干 $58又系次次都会吃，送酒嘅必需品！烧芝士丸 $16烧到里面嘅芝士呈流心状态，提提大家小心烫嘴。烧冬菇 $18平时食大啡菇，呢度就食烧冬菇，既有菌香又保持到juicy多汁。烧豆卜 $18热焫焫，加埋豉油好好味。