影片
更多
2021-07-12
2156 浏览
最新日本过江龙店舖会唔会就系呢间 「东京チカラめし」？无论个答案是对或是错都好，可以肯定嘅系自从喺旺角开业后，以亲民价钱吸引咗好多人排队食。我哋特登喺晚上6点前到，都已经有大约10个人喺我哋面前。好彩嘅系只系排咗10分钟就有得入座。排队时已经决定咗食咩，一坐低就立刻扫QR落单。所有丼都系即叫即做，我哋等咗大约10分钟后就有得食喇。▫️烧牛肉丼 (配唐扬炸鸡2件) 每日新鲜腌制嘅牛肉比其他牛丼店厚身。店内最大卖点就系即叫即用铁板烧啲肉类，再配日本秘制酱汁，真系同日本食嘅味道一样呀。普通size牛丼配两件炸鸡(HKD55)。▫️盐烧豚肉丼 (配温泉蛋) - 来自荷兰嘅豚肉片带有少少肥膏，用铁板烧嘅时候啲油好自然就吱晒出嚟，跟牛肉丼比较，呢碗豚肉饭油腻感就重好多喇。不过我将只温泉蛋捞咗入啲米饭后再就觉得好好多。豚肉片𠮶种盐烧味道好突出，呢碗丼都值得一试。我哋口痕想每个丼都跟个小食😆😆如果唔系嘅话就咁叫一碗牛/豚丼最低价钱系$45 (普通size）。以咁嘅质素绝对抵食。大胃王担心唔够食嘅话可以叫大size，都系贵$10啫。▫️饺子 (HKD15) - 另加咗一份饺子作为小食。饺子上枱时仲热辣辣，皮薄
▫️烧牛肉丼 (配唐扬炸鸡2件)
每日新鲜腌制嘅牛肉比其他牛丼店厚身。店内最大卖点就系即叫即用铁板烧啲肉类，再配日本秘制酱汁，真系同日本食嘅味道一样呀。普通size牛丼配两件炸鸡(HKD55)。
▫️盐烧豚肉丼 (配温泉蛋) - 来自荷兰嘅豚肉片带有少少肥膏，用铁板烧嘅时候啲油好自然就吱晒出嚟，跟牛肉丼比较，呢碗豚肉饭油腻感就重好多喇。不过我将只温泉蛋捞咗入啲米饭后再就觉得好好多。豚肉片𠮶种盐烧味道好突出，呢碗丼都值得一试。
我哋口痕想每个丼都跟个小食😆😆如果唔系嘅话就咁叫一碗牛/豚丼最低价钱系$45 (普通size）。以咁嘅质素绝对抵食。大胃王担心唔够食嘅话可以叫大size，都系贵$10啫。
▫️饺子 (HKD15) - 另加咗一份饺子作为小食。饺子上枱时仲热辣辣，皮薄同埋有少少脆。如果味道唔系咸咗少少嘅话就完美喇。
除咗牛丼豚丼仲有咖喱、铁板定食及配菜叫㗎，而且价钱一啲都唔贵，难怪开业至今人龙不绝啦。
⭐️所有丼价钱不包括饮品，要另叫。
张贴
