吉豚屋吉列豬扒專門店 (已結業)

要系香港食日式吉列猪扒唔平，要过百。而哩间就价格亲民，质素不错。之前系旺角店都试过，今晚再试，发现menu加入左韩式泡菜乌冬，港式肉酱意粉咁，至啱贪新鲜嘅港人！首先叫左滑蛋吉列炸虾饭。 上枱时感觉几细碗，但食完都够饱嘅。用上日本珍珠米，好有口感。四只虾，size唔算大，炸得干身，不油腻。而且炸粉薄，虾亦意外地清甜。不过可能一早炸起，外皮不够脆。个滑蛋啱啱好，处于半熟状态，加埋已有嘅洋葱汁捞饭就更好味！另一款系吉列猪扒泡菜乌冬。乌冬以石锅上，而且份量都几大。 乌冬亦用上日本货，够滑，乌冬煮得啱啱好，够爽口弹牙。个泡菜汤好够韩味，仲有滑蛋同洋葱，辣辣一锅好惹味。另外吉列猪扒外皮炸得酥脆，猪扒唔会太厚太鞋。 好多时食店俾嘅酱汁唔够，好钟意哩到有猪扒酱同麻酱任你加，要几多有几多。每次食完都有现金券送，吸引人再帮亲！