616牛肉火鍋專門店 (星峰薈) (已結業)

打边炉真系唔会厌倦，久唔久有时间想叹下食饭，都会拣打边炉饮杯酒。今次再拣616，专食牛！又有啤酒！满足几个愿望！先拣汤底，拣咗牛杂。今次餐厅主打信州和牛，呢款牛用苹果做饲养，肉质肥美仲会柔软啲，产地直送，点三款和牛会送一款五花趾。三款分别有赤身 牛腹肉 牛肩胛的确肉质好嫩，但唔鞋口，三种当中牛肩胛最肥美，油味最重。赤身的肉味最浓。值得一赞，餐厅自家牛肉汁加青柠，同和牛好夹。五花趾，筋肉分明，爽少少似牛𦟌。另外仲点咗滑尾龙，牛驼峰，牛舌。加咗蛋嘅滑尾，有啲似滑牛，爽身弹牙。牛驼峰肉味最浓，有咬口。除咗牛，仲食咗蛋饺，贡丸，加一堆菜。以出街打边炉嚟讲，价钱好亲民，饮品16元有交易，不到20元有出前一丁或乌冬。钟意嘅酒话，仲可以拣手工啤，58至78元有交易。