洪昇食堂

营业中

休息中

今日到访位于元朗洪水桥站附近嘅一间大排档<洪升食堂>,呢间大排档开业6年几 有时都有听到朋友介绍 今日特意去试吓佢哋嘅菜式❤️大排档嘅面积都几大 入到去感觉好似去咗泰国一样 好有feel~店舖位置正正就系洪水桥站向右直行转左就会见到大大个招牌📍好容易就揾到！今日我哋点选左四个小菜 分别有啫啫鸡煲 鸡煲碟头都几大份 鸡肉好滑 腌得好入味 仲有少少麻麻辣辣嘅味道 真系好惹味 我哋仲叫咗OP推介既黄金炸苦瓜 咸蛋黄好多 炸得好脆卜卜 最有惊喜 佢哋嘅苦瓜唔太苦 外皮包住软林林既苦瓜呢个口感实在太特别啦！仲有我哋嗌咗一个芝士大虾伊面 睇吓张相佢哋啲芝士真系多到好夸张 虾肉亦都系新鲜 好爽口弹牙 最后我哋仲点左一个豉油王鹅肠口感唔太咸 清清地都几好食㖞！另外我哋重点左四罐饮品先讲紧五百几蚊～真系非常抵食 食唔晒，仲要打包拎走添呢间大排档都几好玩，每个星期每一晚都会有抽现金奖活动 抽中嘅客人可以得到大利是一封 逢星期三总会抽出一枱客人全枱免费有兴趣想试吓运气就星期三嚟帮衬吓啦❤️洪升食堂 (元朗)元朗洪水桥洪元路55号地舖