豪園麵家

营业中

休息中

黄大仙现崇山商场原来都有几间餐厅，今次竟然发掘到一间小菜馆，街坊价钱又几好食，难怪到夜晚时间就已经差唔多坐满人。土鱿蒸肉饼 $85超级钟意食肉饼嘅我，点左一个土鱿蒸肉饼，要整肉饼真系好花功夫，要整到个肉饼有咬口又有要半肥瘦均匀真系唔多，但呢到个肉饼真喺合哂何车，土鱿剪成细粒洒喺肉饼上，蒸完之后闻到土鱿嘅咸香，肉饼食落去都juicy, 配合土鱿粒一齐咬立即将味道提鲜，所以真系落少少豉油都已经好够味，送饭真系一流。姜葱一字鸡翼煲$90煲仔上喳喳声又香喷喷，一字鸡翼系有炸过再煲上，所以佢外皮系脆卜卜，配上好惹味嘅酱汁，又系送白饭一流，鸡翼一开二变做一字骨，咬得好方便，而且份量都唔少，好满足。时菜牛肉$81清清地都要叫啲菜食下，简简单单来一个时菜炒牛肉， 蔬菜好新鲜，菜心系翠绿色，食得出菜心的清新味，牛肉稍为腌过，但炒得好嫰滑，不会过老。餐厅都有煲仔饭食本身好想叫，但每个小菜都跟一碗白饭同汤，惟有下次再去食过啦!小菜馆都食到厨师嘅水准，价钱亲民别有一番滋味，所以喺点解好多人放工会选择落嚟食小菜嘅原因。