兩草 (白布街)

营业中

休息中

疫情过后，两草都终于系旧年旺角重开，呢个人气大马小食店一直都出哂名「平」价又贴地，三四十蚊就有交易。有落场时间，大家去食记得留意时间。胡椒汤小笼包 $40★★★☆☆汤底偏重胡椒味，饮落带辣口，好惹味。小笼包有3件，皮唔够薄身，肉馅偏瘦冇咩肉味同软烂。个人觉得个汤底完胜小笼包。香煎脆边蛋肉饼饭 $42★★★☆☆㶶边荷包蛋整得好好，边位脆卜卜，荷包蛋仲系流心，加埋葱花、甜豉油捞饭一流。肉饼煎得几香口，食落仲脆脆地，但系唔JUICY好干身同鞋口，肉饼都系全瘦肉。猪油渣温泉蛋饭 $38★★★☆☆猪油渣炸到好脆好香，份量多，加埋豉油、温泉蛋捞饭都几唔错，如果有得加埋猪油就更好，因为会更加香。由于配料较少，食落个饭变成为好大一部分，但个饭煮得太软身同湿，败笔之处。🌟总括：今时今日喺旺区，呢个价钱呢个份量算系抵食，味道各方面中等，未到好味到值得排队，但店入面流转都快，唔算等太耐。