Chatterbox Express (已結業)

晏昼同同事出街食饭，食好啲系基本啦，今次仲系食酒店级菜式，真系帮我哋叉足电！今次嚟咗想食好耐嘅Chatterbox Express，餐厅系新加坡文华酒店Chatterbox Café嘅副线，佢哋嘅文华海南鸡饭、招牌喇沙等都系人气必食之选，餐厅环境特登设计到快餐店咁，务求令大家用抵食价叹到酒店级佳肴！文华海南鸡饭海南鸡嫩滑有鸡油香味，鸡皮薄脂肪少，口感非常爽滑，味道正宗再加埋三款酱汁，呢个价钱食到呢个质素嘅海南鸡，性价比好高！ 炸猪扒喇沙猪扒都炸得几松软，炸完唔会油淋淋，入口香脆肉质软嫩；喇沙汤底椰香味浓，配料多有齐鱼片、豆卜同蛋，非常惹味！冻美禄恐龙超邪恶嘅美禄恐龙面头有美禄粉同朱古力脆脆波，朱古力味道浓郁又香甜，美禄迷必试！