路邊煱 (已結業)

做完嘢系土瓜湾附近揾食，今晚有啲雨蒙蒙，感觉成个气温即刻冻左，咁最好梗系打边炉或者鸡煲啦！拍档话附近有间正野，价钱亲民食物质素又好，仲坐得几舒服添！一于跟佢去食餐好。坐低店员已经推介 Facebook 打卡送泰式生虾，举手之劳，即刻送咗四只，新鲜弹牙，同埋泰式辣汁点小小都辣到飞起，真系刺激有趣装修格局有齐晒地方小店嘅特色。最紧要都系干净企理。热卖推介有我哋今次食嘅招牌杂菌花甲锅 $198。真材实料，食极都唔完嘅花甲令成个锅都好鲜甜美味。打边炉之前叫咗个小食，肚饿吗即刻食唔使等！墨酿油炸鬼 $58。酥脆可口好味道。跟住就系好多男人钟意食嘅鹅肠，口感爽脆。记得唔好滚太耐。我哋几个都钟意食牛所以一于大擦一餐，招牌肥牛拼盘，$368 一个价钱食到六个不同嘅部份。最特别嘅我觉得系牛胸爽，牛脷托就唔系周围都有得食，只不过我最喜欢嘅都系牛颈脊，肥瘦均匀，雪花牛脂入口即溶。除咗牛，呢度嘅特选黑豚肉都唔错，薄切成朵花一样，入口爽甜，肉质鲜嫩。估唔到食到最尾仲有甜品雪米糍送俾我地食呢！服务都唔错。