一日三餐 (已結業)

【亲民价钱！高级质素嘅地道茶记💛】推荐程度：●●●●◐抵食程度：●●●●●———🍞【常餐】招牌葱油鸡扒捞公仔面｜炒蛋｜丹麦多士｜餐饮｜$49嚟过几次都要排队，但茶记就系胜在流水式，食得快走得快，每次都等10分钟入到座。今次第一次试葱油捞公嘅常餐：公仔面干湿程度、甜咸比例都刚好，略带酱料嘅微甜，加上葱油，两者互相辉映。鸡扒虽然冇咩鸡味，但肉够嫩、油脂刚好，唔会干柴柴。炒蛋滑身，略嫌蛋香味唔突出，应该系蛋种问题。丹麦多士比起一般多士松软，牛油味香而浓，感觉比白面包更有诚意。