JK Brother's (已搬遷) 新店位置

今日系观塘做完野，又上左去楼上餐厅食，呢间JK Brother 都去过几次，价钱平得黎味道都好正宗，去开观塘都可以试下。佢做紧discount, 芝士果醋酱烤鸡原价$168，依家$68 唔叫真系对唔住自己。起初以为会将货就价，$68就细份d,点知系冇ga,劲大份，见到都哗哗声。一份大概有6-8件，再有职员帮手卷d芝士上去包住件鸡，同我系韩国食嘅不相伯仲。味道方面果醋酱酸酸甜甜，再加辣辣地，好香浓，而鸡肉亦都好嫩滑多汁，超班水平，比番正价$168都抵食呀。另外叫左个步兵锅，份量劲大个，我地4个人去都系岩岩好食得晒，少人d 真系咩都味洗嗌喇。步兵锅都系午餐肉、肠仔、公仔面，但佢仲有年糕、鱼糕同埋好多韭菜，金菇，超级足料。抵食之选。因为个步兵锅太大个要少少时间滚起，我地太肚饿所以叫多左个芝士香葱鸡肉串，同烤鸡有d 似，不过呢个就唔辣，同埋个酱汁系比较bbq酱个种，又另一个风味。香葱同烤鸡肉系绝配，加上芝士真系好邪恶。Jk brother 食物味道好，价钱又平又大份，CP值劲高，最好多d 人一齐黎share又可以试多几样。