BuBu燒麻辣燙

营业中

休息中

星期六晚嚟到油塘揾野食，本身谂住去返平时去开𠮶间打边炉，但发现隔黎新开咗间食串烧同麻辣烫嘅舖头决定试吓，舖头食物选择种类都几多，整体黎讲好食、份量多，性价比高，而且有唔少特色嘢系出面少有食到嘅，都几surprise👍🏻叫左烧牛舌($20/串)、翠肉瓜($10/串)、司华力肠($18/串)、鸡肾($15/串)、韮菜($15/份)、羊架($68/2件)、脆炸地瓜条($24/份)、烟肉车厘茄($20/串)、同埋一碗麻辣烫，当然啤酒就唔少得啦！🍻全部串烧都可以拣辣同唔辣，不得不赞嘅系烧牛舌非常好食，厚切嘅牛舌爽口得嚟又够juicy，之后忍唔住再叫多咗两串，地瓜条都炸得好香脆，好味得嚟又唔会觉得油😋麻辣烫有好多配料可以拣，我地拣左莴荀、鹌鹑蛋、鱿鱼、芝士肠，面底就拣咗乌冬，辣度拣左小辣，第一次食麻辣烫干捞，比起出面食嘅味道好唔同，好好味，劲足料😋烧羊架一嚟到已经被佢嘅巨型size吓亲，大件得嚟肉质系出奇地嫩👍🏻另外值得一提嘅系，呢间小店嘅自家制冬瓜柠檬茶系好清甜，仲要系无添加糖份，埋单𠮶阵忍唔住要买多两支返屋企饮😋😋下次一定会再嚟帮衬👍🏻👍🏻