燒味滷師 (安發大廈)

营业中

休息中

返外家食饭所以系附近揾间似样啲嘅外卖店斩料，四点零钟左右黎到店舖，唔算太多人，但keep 住有客人帮衬。🦢至尊烧鹅（半只）$180必点之选👍剩系卖相都已经好吸引，色泽均匀亮泽，肉质嫩滑，肥瘦厚度适中，啖啖肉得黎亦唔会食到成口油，有淡淡嘅炭烧香味，好食😋。🐖烧味佬叉烧 $40自己钟意食半肥瘦叉烧，但和家人分享所以order 时无向店员特别提出要求，最后师傅斩了全瘦叉烧，却比想像中好，一啲都唔硬，腌制得几入味。🐔原味手撕鸡（半只）$60起晒嘅鸡骨放系底层，啖啖肉嘅肉丝放面层，正明真材实料。手撕鸡肉质嫩滑，一啲都唔嚡口，洒上少许芝麻，个人认为雪冻少少更好食。