SPOON

营业中

休息中

炮台山依间「Spoon茶啡室」嘅服务好好，而且食物出品都好高质，另外，都好高CP值㗎，又啱打卡又好味嘅牛角酥窝夫甜品先卖$42，比坊间便宜一半，最抵莫过于$83居然有意粉Full Set晚市套餐食，未免太街坊价，同场加映，凡于晚市惠顾满$400即送价值$58神秘仙气星球甜品系列一客，虽然甜品款式系Randomly嘅，但都食得出系用心制作嘅自家制甜品，仲要全日免收加一服务费，难怪我同二家姐19:30先去帮衬，但都座无虚席，要等位，不过Staff都有俾杯暖水我哋喺餐厅内坐住等位，好贴心。10oz烧栗饲法式猪鞍伴芒果莎莎酱配法式焗烤忌廉芝士薯及烤杂菜（单点$188），猪鞍肉质半肥瘦，食落好Juicy，配以芒果莎莎酱食用，味道清新，不过略嫌芒果莎莎酱份量偏少，而且偏流质，导致两者嘅配搭食落好似系分开嘅，未完全关连到；芒果莎莎酱内有芒果、青苹果、红苹果；法式焗烤忌廉芝士薯口感绵密，但又有马铃薯粒在内，加上有忌廉芝士，味道咸香；烤杂菜包括有芦笋、甘笋、翠玉瓜、椰菜花、车厘茄。8oz烧西冷牛扒配杂菜沙律及薯条（单点$148），Medium熟度，牛扒肉质肥瘦适中，肉汁丰富，牛味浓厚，略嫌黑椒汁未够浓郁