影片
更多
2018-03-01
215 浏览
一直都想食下omakase，但系系香港食真心贵，负担唔起。然而！比我揾到一间价钱亲民但用料上乘嘅Omakase，餐厅系湾仔，因为近我番工地区，所以我系直接由铜锣湾行去，行左20分钟到，所以我都唔知近唔近地铁站😂餐厅楼底好高，有吧枱有卡位，坐得舒服。分$580同$880两个set，觉得$580已经够野食，所以就叫左个$580试下。前菜有海蜇同沙律，海蜇好爽口弹牙，酱汁有微微酸酸地几开胃，而沙律嘅酱好特别，好似加左wasabi，微微辣但又甜甜地。刺身四款分别系金木雕（左），剥皮鱼（右上），北海道牡丹虾（右下）同拖罗（同醋物同一张相）。金木鲷，鱼嘅表面好轻微咁用火烧过，逼左小小鱼油出泥，仲用原条木鱼刨成木鱼花洒左系鱼上。剥皮鱼本身系无味嘅，所以系上面淋上鱼肝酱，满满嘅鱼肝油味但又唔腥，咸咸地又香。北海道牡丹虾，好厚肉，好多虾膏，最贴心嘅系连虾尾都帮你起埋肉。大拖罗非常新鲜，用紫菜卷住泥食，比较特别嘅食法，而且仲有紫苏叶，可以减低油腻感，拖罗入口即溶，仲有浓浓嘅鱼油香。醋物系三文鱼头软骨，软骨好似蒟蒻，口感特别，三文鱼子好甜，咬落仲会有烧鱿鱼丝嘅味道，酸甜得泥又开胃。系烧物、扬物、煮物入面我拣
餐厅楼底好高，有吧枱有卡位，坐得舒服。
分$580同$880两个set，觉得$580已经够野食，所以就叫左个$580试下。
前菜有海蜇同沙律，海蜇好爽口弹牙，酱汁有微微酸酸地几开胃，而沙律嘅酱好特别，好似加左wasabi，微微辣但又甜甜地。
刺身四款分别系金木雕（左），剥皮鱼（右上），北海道牡丹虾（右下）同拖罗（同醋物同一张相）。
金木鲷，鱼嘅表面好轻微咁用火烧过，逼左小小鱼油出泥，仲用原条木鱼刨成木鱼花洒左系鱼上。
剥皮鱼本身系无味嘅，所以系上面淋上鱼肝酱，满满嘅鱼肝油味但又唔腥，咸咸地又香。
北海道牡丹虾，好厚肉，好多虾膏，最贴心嘅系连虾尾都帮你起埋肉。
大拖罗非常新鲜，用紫菜卷住泥食，比较特别嘅食法，而且仲有紫苏叶，可以减低油腻感，拖罗入口即溶，仲有浓浓嘅鱼油香。
醋物系三文鱼头软骨，软骨好似蒟蒻，口感特别，三文鱼子好甜，咬落仲会有烧鱿鱼丝嘅味道，酸甜得泥又开胃。
系烧物、扬物、煮物入面我拣左扬物，系海鳗同甘薯天妇罗，炸浆好薄，鳗鱼肉好弹牙，完全唔知道自己食紧鳗鱼，而甘薯好软好甜。
五款寿司由右至左分别系海胆、针鱼、帆立贝、左口鱼同赤鯥。
海胆: 鲜甜而且份量好多
针鱼: 弹牙，味道偏淡
帆立贝: 鲜甜嫩滑
左口鱼: 肉质比较硬
赤鯥: 鱼王，价钱比喜之次贵，所以呢个价钱可以食到好难得，口感好有拖罗嘅感觉，一样入口即溶，鱼油香好浓
拖罗葱花手卷
份量超级多，食到落底都仲有拖罗，感觉好满足。
日式煮蚬汤，蚬肉大大粒，仲系岩岩熟，超级鲜甜，连带个汤都有小小清甜味。
甜品拣左绿茶雪糕，茶味浓，唔会太甜。
以omakase泥讲，个价钱真系好抵，而且服务好好，好详细咁向你介绍每一道菜，你有兴趣继续问，佢地都好热心咁话你知。
张贴
