小麻吉滷肉飯 (已結業)

🍴🍽🍴🍽🍴🍽🧋🧋🧋🧋🧋🍴🍽🍴🍽🍴🍽-间唔中都会想食吓台湾嘢，但企喺街边食炸鸡真系谂起都热😹。今次喺小麻吉叹住冷气就可以享受喺台湾夜市觅食嘅感觉，佢细细份可以一次过嗌好多唔同款嘅小食过口瘾，而且主菜套餐选择又多，性价比好高👍。🥢 大满足定食- 肉燥麻辣口水干拌面（加煎蛋）、慢煮葱烧猪软骨、葱油灼青菜  $93 🆗干拌面嘅辣味带少少麻，好香浓，捞埋肉燥嘅咸香令到味道更加有层次，捞埋太阳蛋汁好滑溜😆。猪软骨好淋又入味，好钟意佢嘅八角味够重。除咗自己拣嘅主菜、小食同面之外，仲有台湾小香肠同凉拌小王瓜，真系好饱好丰富🤤。🥢 原味盐酥鸡 $20 🆗个皮炸到好酥好脆，鸡肉应该用咗鸡柳，比较干身又冇咁油，唔会太肥腻。🥢 炸芋泥地瓜球 $20 🆙入面嘅芋泥同地瓜味道好浓，一咬开啲香味即刻飘晒出嚟，味道唔会太甜，啲比例啱啱好。值得一提嘅系，呢度嘅炸物都系即叫即炸，用嘅油好新鲜，食落肚唔会有油腻嘅感觉。🥢 卤水猪耳 $40 🆗猪耳好爽口但又唔会太硬，卤水汁渗透咗入猪耳里面，味道好浓郁。🥢 珍珠红豆仙草冻（小） 跟餐+$9 🆙呢个价钱就可以食到个甜品真系好抵！红豆甜而不腻，仙草冻清甜爽口，口感好滑嫩，加咗