臺坊 (加拿分道) (已結業)

系尖沙咀谂唔到食咩，咪去厚福街啰～今日发现街头开咗间新台式餐厅，细细地又几骨子，加上落狗屎，就决定拣你啦台坊！舖头的确较细，大概十零个位，不过装修都唔差㗎，墙上挂咗好多风景相，想念台湾T_T盐酥鸡肉燥拌面肉燥份量唔少，但就唔够味，连我平时食开清淡野都觉得几淡口下。盐酥鸡普通，少少淋，唔够香口。朋友嘅麻辣鸡丝冷面佢话唔错，卖相都几好，应该相当清新。芝士肉松蛋饼呢个反而几惊喜，好好味，蛋饼煎得好香，芝士同肉松馅都好多。