鮨亭 (已結業)

两个女仔girls talk，最好揾间日本居酒屋慢慢坐系到一路食一路倾计饮下酒，又唔会有人赶！我即刻谂起屯门鮨亭，价值合理，环境又唔错，系位置比较隐闭，交通有D唔方便，不过系屯门站打的，5分钟就到。小店原来好多人都book左位，唯有坐Bar台。叫左梅酒同柠檬绿茶各一杯，柠檬绿茶口感清爽好Fresh!!梅酒微甜有淡淡梅味，酒味亦唔会太浓，女仔好啱饮整个前菜开开胃：海葡萄麻酱豆腐，香浓麻酱加上海葡萄嘅双重口感，简直系味觉冲激～刺身盛盒(6点）以木盒形式上，包括有伊左目、三文鱼、赤身、油甘鱼、帆立贝、海胆，好新鲜而且好肥美，全部都系厚切，入口鲜甜。加上呢个摆盘，打卡一流～性价比高蒜片铁板牛肉粒：热辣辣即上，用黎佐酒一流，牛肉肉质有弹性及口感，肉味浓，油份同焦香直冲喉咙，一口接一口！倾到咁上下，要揾D热食填饱肚，简简单单叫左个海胆乌冬沾面。跟乌冬另外奉上一碗海胆沾酱，浓郁杰身。每条乌冬都沾上海胆酱，非常邪恶。