可樂士多

营业中

休息中

每次去大浪湾滑浪都必定帮衬嘅小店。一去到，喺可乐租块板就落海玩，滑到攰上去食个饭补充体力再玩过，完咗仲可以买条雪条食住走。非常亲民嘅价钱，加上老板嘅人情味，系一间可以令你无忧无虑喺海滩享受一天嘅人情味小店。食物大概有午餐类（炒饭面、双并饭、汤面）、同下午茶两种。我自己最钟意食双并猪扒鸡翼饭，够大份又好味，佢嘅辣酱亦都非常惹味，食饭类时候可以试下落啲。如果想食得轻盈啲，下午茶嘅油脾都系十分好嘅选择。最紧要系价钱非常平，一碟饭$30-$40，而且份量十分足够，唔洗怕去到石澳就预咗一定要比好贵先医到肚。