阿來泰式地道風味

营业中

休息中

呢日午餐去咗一间地道泰国菜度食，估唔到又贴地又亲民仲要好好食。⭐️阿来海南鸡饭鸡皮少油，肉质鲜嫩，鸡油饭好香，酸辣酱汁香浓开胃。⭐️咖喱炒软壳蟹⭐️薄饼（4件）好大只软壳蟹，炸到香脆内软。咖喱酱汁同薄饼真系非常之夹，不知不觉食咗好多。⭐️猪颈肉炒椰菜苗爆炒猪颈肉同椰菜苗好有镬气。⭐️热柚子蜜⭐️青柠疏打泰国菜我最钟意叫青柠梳打，解腻又清新。⭐️西米糕（2件)西米糕真系要必点，香浓椰汁香味，沟埋清淡嘅西米味道，一人食两件先够。呢间泰国菜味道好食又贴地，正宗味道，呢日午市时间都坐满晒人睇嚟大家都好识食。