尚海人家 (TKO Gateway) (已結業)

- 突然心血来潮好想食上海菜，但又唔想去太远。听闻坑口开左间正宗得黎又亲民既—上海人家，所以决定去试一试。- 睇到餐牌，发现套餐都几抵食，所以就叫左两只皇牌生煎包配上海排骨担担面，仲叫埋豆浆。- 另外，因为屋企人都想食酸辣汤面同豆沙锅饼，最后都决定外卖埋。- 返到屋企，终于可以享用美食啦！当然要先食皇牌生煎包啦，佢地生煎包虽然细细只，但同外面唔同，一啲都唔厚皮。生煎包个底好脆身，咬落去仲要劲夸张咁漏啲汁出黎，成手都系。唔系讲笑，真系有图你睇🤣！- 而上海排骨，即系香港人既炸猪扒。食落味道唔错，分量充足，啖啖肉。至于担担面就有好多花生碎同肉碎，香浓惹味，面底分开摆放，唔会放到淋哂，好贴心。- 而酸辣汤面食落都唔错，够哂辣味，加埋鸡丝同木耳，材料真系好足。但可能个人口味问题，如果酸多少少同多少少汤就好啦！- 最后，仲叫左豆沙锅饼，卖相好靓，一啲都唔油腻，而且豆沙甜度适中。虽然外卖冻左，外皮有少少硬，但相信本来系超级脆身，下次我一定会用气炸锅整返热少少。- 总括黎讲，店舖所有套餐非常抵食，价钱非常亲民，材料充足又大份，值得一试👍🏻！