夜館 (已結業)

新开无耐已经食完一次又一次，食物价钱唔贵，质素好好，最开心见到定食有橙食，比较少见咁。而餐厅座位唔多，十几个左右，但坐得舒服唔迫，一入去直望放左好多日本酒。 和风玉子牛肉丼 $68流心蛋，即刻令成个饭又香又滑。牛肉同洋葱煮得好入味，仲带有小小甜味。今次个前菜系牛尾，肉好淋好浓味。最惊喜系有半个橙食，橙已切开四小旧方便食。 十胜豚丼 $58豚丼更为胜一筹，都有六七块，每块都煎香左，味道更浓。第二次再黎除左定食，仲叫左少少串烧食，都系有水准，好满意。 豚肉生姜烧 $58生姜味好浓，但唔会好似中式个D有阵姜辣味，豚肉簿片吸哂汁，酱汁味够。呢个餐就跟沙律配柚子汁。 盐烧牛舌 $38有咬口，唔会好韧，愈咬愈香，配埋用水果调嘅汁，食落甜甜地。烧茄子 $28唔系一条过上枱，而烧好切成一粒粒，唔会好干，面上搽嘅酱油咸味岩岩好，再配木鱼干更香。 特式酿鸡翼 $76先将鸡翼去剩一条骨，再将腌好嘅鸡肉酿落去，令到成只味道分布平均又入味。House Sake (180ml) $68清清地好易入口，唔会呛喉，女仔好岩饮。