榕基滷水專門店 1992

营业中

休息中

今日同朋友系大埔揾好野食，见呢间卤水店都几好，决定入去试下，见负责掌厨的都系后生仔。店内都好开扬，干净齐理，都算舒适。而堂食可以选择套餐，自由配搭：先拣主菜，再拣面或粥，再拣小食及饮品。门外都几多人等外卖，为晚餐加多个𩠌都唔错嘅选择。我地分别叫左招牌卤水狮头鹅配鲜鹅油捞面、醉鸡配粥及卤水小食。鹅肉嘅份量非常足够，有近5至6件鹅，水汁香而不过咸，鹅有鹅肉的独特香味，肉实够入味。鹅肉下面仲有豆腐，好入味好软淋份量好多豆腐亦好滑。面软硬度适中，清汤入口唔口渴。老友记加麻辣酱再倒入点鹅食的醋汁，自制酸辣味。醉鸡份量亦好足 ，酒味好香，鸡肉有酒香，重点是肉质好嫩，好滑，平时食鸡件我都只会食鸡肉不食皮。但实在太滑了，忍唔住连鸡皮都食埋。卤水小食有牛展、牛肚及牛筋，整体质素都唔错，牛筋好腍好入味，牛肚亦好软腍，牛展就色香味俱全，肉质嫩滑，香气扑鼻，相当入味。