和味煮意

营业中

休息中

今日嚟到荃湾食一间平民放题火锅店，餐厅位于荃湾街市街，荃湾站行过去，唔使5分钟就到，位置都好就脚👍🏻，餐厅主打任食火锅，食火锅之前可以拣鸡煲或者烤鱼，食到咁上下店员就会加汤打边炉😁。选择任食两小时放题嘅话，仲可以免费获得一份精选牛肉拼盘同埋一份精选海鲜拼盘，睇落都几唔错，另外仲有一个超大杯嘅饮品，大过我个手掌，见到都过瘾🤩。。我拣咗烤鱼，佢有八种味道可以选择，我就当然拣辣嘅鲜滕朝烤鱼😆，选择中辣已经好够，麻麻地辣辣地都几过瘾，而且条鱼都好大条，啖啖肉咬落嫩滑，另外仲会有一啲阔粉生菜等等嘅配菜，非常入味😋。。食到咁上下系时候打边炉啦，餐厅入边就有一个自助吧区，热门嘅火锅火色配菜都会有得拣，另外仲有辛辣面可以拎😚，虽然种类话唔系好多，但系食完一个靓靓嘅烤鱼之后，食少少菜打边炉都几好😁。