影片
更多
2022-05-16
1407 浏览
虽然香港嘅疫情近排已逐渐缓和，不过想自由自在咁去日本旅行，短期内恐怕仍未能成事，「回乡」无望，唯有暂时寄情于日式美食。最近得知油麻地开咗间「冲绳渔民食堂」，餐厅主打日式丼物同赞岐乌冬，友人向来对呢啲日式家庭料理都情有独钟，趁今日喺附近办事，就相约一起嚟试下。呢度嘅食物价钱好亲民，丼饭、乌冬最平五、六十蚊已有交易，非常划算抵食。先嚟一客小食日本炸海苔鱿鱼须 ($46)，鱿鱼须新鲜即炸，大大条，肉质爽脆弹牙，入口充满紫菜香气，鲜甜又富嚼劲。慢煮日式牛柳乌冬 ($65) 牛柳片同乌冬分开盛上，牛柳以慢煮方法炮制，食落肉质好松软，由内到外都保持鲜嫩嘅口感，而且生熟度亦控制得啱啱好。乌冬嘅汤底以鲣鱼干及昆布等熬成，饮落味道劲鲜甜、够晒健康。乌冬韧性十足，面质粗身弹牙，入口还带有麦香。配料仲有溏心蛋同鸣门卷，分量绝不欺场。炸猪扒丼 ($50) 水准亦唔错，猪扒炸至金黄色，食落肉质好松化，香脆不油，而且厚身得嚟仲有肉汁，蘸点沙律酱吃，美味。拨开猪扒，原来底下仲有只吹弹可破嘅温泉蛋，戳穿蛋黄，蛋汁随即流出，用嚟捞饭真系一流！跟餐送热饮一杯，转冻饮亦只需 +$2，汽水 +$6。
最近得知油麻地开咗间「冲绳渔民食堂」，餐厅主打日式丼物同赞岐乌冬，友人向来对呢啲日式家庭料理都情有独钟，趁今日喺附近办事，就相约一起嚟试下。
呢度嘅食物价钱好亲民，丼饭、乌冬最平五、六十蚊已有交易，非常划算抵食。
先嚟一客小食日本炸海苔鱿鱼须 ($46)，鱿鱼须新鲜即炸，大大条，肉质爽脆弹牙，入口充满紫菜香气，鲜甜又富嚼劲。
慢煮日式牛柳乌冬 ($65) 牛柳片同乌冬分开盛上，牛柳以慢煮方法炮制，食落肉质好松软，由内到外都保持鲜嫩嘅口感，而且生熟度亦控制得啱啱好。
乌冬嘅汤底以鲣鱼干及昆布等熬成，饮落味道劲鲜甜、够晒健康。乌冬韧性十足，面质粗身弹牙，入口还带有麦香。配料仲有溏心蛋同鸣门卷，分量绝不欺场。
炸猪扒丼 ($50) 水准亦唔错，猪扒炸至金黄色，食落肉质好松化，香脆不油，而且厚身得嚟仲有肉汁，蘸点沙律酱吃，美味。拨开猪扒，原来底下仲有只吹弹可破嘅温泉蛋，戳穿蛋黄，蛋汁随即流出，用嚟捞饭真系一流！
跟餐送热饮一杯，转冻饮亦只需 +$2，汽水 +$6。
张贴
