麵屋一平安 (已結業)

餐厅位于美丽华，采用日本各地嘅材料，提供拉面、沾面、丼饭、寿喜烧、特色小食等多元化嘅日式料理，装潢以木系为主，环境阔落，座落舒适，平日夜晚都坐满，质素应该有保证🤣主食有和风炒饭，混合虾、蚬同叉烧，饭粒粒分明，调味适中，份量比想像中多，性价比高！建议可以搭配炒野菜一齐食，菜品新鲜，海鲜鲜甜，感觉健康，适合多人分享～ 值得一赞嘅系呢度嘅小食，个人最钟意大板烧，外皮微微酥脆内里松软，点埋甜甜哋嘅酱汁同美乃滋真系好match！炸八爪鱼球都唔错，同样外脆内软，外皮够薄，食完唔会觉得好腻！明太子煎蛋有六小件，卖相可爱，咸甜搭配，煎蛋微嫩，可以一试。鸡肉好大块，四大件，炸至金黄酥脆，完全唔油，肉质嫩滑，有惊喜！薯仔沙津入口绵密，好开胃、铁板豆腐咬落滑溜，整体味道偏咸，适合配饭。