L.D.K. by Ufufu Café (新都會廣場)

营业中

休息中

突然好想食啲日式家庭餐厅菜，所以嚟咗呢间cafe食lunch! 一去到就大排长龙，可能撞正咗lunch hour。但见店面好阔落，仔细望先发现原来佢大多数都系4人枱，即使1人去食，都系独占4人枱。呢点真系有好有唔好，好嘅系高私隐度，但唔好嘅系翻桌率慢，肚饿如我就排得好心急。如果佢可以4人枱坐2个1人就好啦！言归正传，我叫咗个吉列豚肉佐咖喱蛋包饭同南蛮炸鸡。份量超大，上菜果刻真系呆咗，所以最终我系加左$1拎外卖盒打包的。吉列豚肉佐咖喱蛋包饭份量大，猪扒肉质厚实，食起上嚟，肉汁系keep到，唔会太干。而咖喱味道偏甜，系典型日式咖喱风味。捞埋个滑蛋一齐食，oishi! 南蛮炸鸡卖相靓，炸皮同肉比例岩岩好，啲酱汁酸甜酸甜，可以中和油腻感。第2日用气炸锅翻炸，都仲好好食！