影片
更多
2017-04-28
1303 浏览
曾到访铜锣湾嘅Chez Moi，品尝过佢哋5道菜嘅法式晚餐，觉得水准高，非常抵食。当时听店长讲，佢哋有另一家分支，同样晌铜锣湾，走亲民路线，价位亦定得低少少，不妨一试。是夜，就约定表哥嚟到佢间姊妹店Chez Bistro，睇吓价钱亲民咗，质素有无将货就价先。餐厅位处百乐中心21楼，同样占全层楼面，一踏入门口喺半开放式厨房，睇到内里嘅运作及大厨做菜嘅模样。而转个弯就喺用餐区，地方唔算大，但却有种舒适悠闲嘅感觉，相信主因除一室柔和嘅灯光外，就喺因为店主无用到尽每一吋地方摆下餐枱櫈，所以，予人空间感十足，全无局促之感。此外，靠墙一大幅粉笔风景画，令环境添几分艺术气息。事后再睇睇其他人嘅食评，先知幅墙画喺不时会变，虽知幅画喺粉笔画，重画一次需花多少时间呢！真欣赏店家对用餐环境嘅要求同坚持。餐厅尾，原来仲有啲厢房，因为，到访当日订位嘅客人唔算多，所以，就未有开放厢房嘅位置，故不知道内面有几大。跟Chez Moi唔同，依度喺有散点菜式，先同大家简单介绍吓，餐牌提供菜式包括沙律、冷盘冻切、头盘、海鲜、汤品、主菜、意大利面、意大利饭及甜品。除基本冷热饮品，仲有啤酒、鸡尾酒、红白餐酒供客人选择。我哋就意
餐厅位处百乐中心21楼，同样占全层楼面，一踏入门口喺半开放式厨房，睇到内里嘅运作及大厨做菜嘅模样。而转个弯就喺用餐区，地方唔算大，但却有种舒适悠闲嘅感觉，相信主因除一室柔和嘅灯光外，就喺因为店主无用到尽每一吋地方摆下餐枱櫈，所以，予人空间感十足，全无局促之感。
此外，靠墙一大幅粉笔风景画，令环境添几分艺术气息。事后再睇睇其他人嘅食评，先知幅墙画喺不时会变，虽知幅画喺粉笔画，重画一次需花多少时间呢！真欣赏店家对用餐环境嘅要求同坚持。
餐厅尾，原来仲有啲厢房，因为，到访当日订位嘅客人唔算多，所以，就未有开放厢房嘅位置，故不知道内面有几大。
跟Chez Moi唔同，依度喺有散点菜式，先同大家简单介绍吓，餐牌提供菜式包括沙律、冷盘冻切、头盘、海鲜、汤品、主菜、意大利面、意大利饭及甜品。
除基本冷热饮品，仲有啤酒、鸡尾酒、红白餐酒供客人选择。
我哋就意属3道菜嘅晚餐，因为已包括沙律、餐汤及主菜，并奉上啡茶，而定价视乎所拣嘅主菜（$328-$398 + 10%），相信对比散叫，应该划算啲。
面包篮等候上菜期间，食住面包先，面包篮内有两款包，送上枱时带点热度。一款喺圆型细小嘅法式软包，软熟富牛油香，另一款加入干果嘅麦包，有韧性富麦香。枱上备有橄榄油及黑醋，亦可向店员要求牛油，但依两款包无添加净食都已经够晒。
沙律有两款选择，我哋两款要晒就唔使烦，兼「些牙」嚟食，就可以试匀佢。
鲜鱼汤煮法国白露笋配带子海胆卖相绝对可以用精致嚟形容，但与其叫沙律，个人就觉得似一道头盘多啲，而且，用料非常之精。露笋不时都有机会食，但法国白露笋就极之少，用上鲜鱼汤浸煮，令白露笋有份鱼鲜味，更入口嫩滑无渣；带子睇样你都见有几大粒，口感爽弹，配上绵柔嘅海胆，满口海洋鲜味；亦咪错过伴碟嘅冰菜，佢真喺好似有层霜雪晌面，入口却唔会冰咁冻搞到牙都软，但就嗦嗦声咁脆。
鲜鱼汤煮法国白露笋配带子海胆
21 浏览
0 赞好
0 留言
意大利巴马火腿凯撒沙律另一道就喺经典嘅凯撒沙律，但就加入新元素。除基本嘅罗马生菜、烟肉碎、面包粒，仲加上意大利巴马火腿及石榴籽，前者提升咸香感，后者增加清新度，又有少少爆汁感，互相挥映。细节位喺啲罗马生菜既爽脆，啲酱汁又捞得极均匀。
意大利巴马火腿凯撒沙律
24 浏览
2 赞好
0 留言
下一环就喺餐汤，3拣1，选择有法国洋葱汤、荷兰白菌忌廉汤及周打蚬肉忌廉汤。亳无悬念，头两者喺我哋嘅心水，皆因法国洋葱汤喺法国菜嘅经典，点可以错过，而以荷兰白菌嚟做嘅忌廉汤，又会唔会宁舍唔同！法国洋葱汤
刚巧早前晌中环嘅Bouchon Bistro Francais试过其法国洋葱汤，Bouchon嘅可以称为正统，咁Chez Bistro嘅就可以定为新派，因为佢哋将百吉包及芝士两个元素「分拆」放晌碗边，净食又得，再浸汤食都得。然而，主角嘅洋葱汤底做得不俗，散发出浓浓洋葱嘅香味。
法国洋葱汤
10 浏览
0 赞好
0 留言
以新鲜荷兰白菌打成，个菌味颇为浓郁，口感亦都细滑，并轻轻保留少少微细菌粒，有少少咬口感之余又唔会太影响个口感滑度。晌汤面加上几片干白菌片，作为点缀，我就觉得几有昼龙点晴之效嘞。
荷兰白菌忌廉汤
15 浏览
0 赞好
0 留言
主菜方面，一共有6款，已包括安格斯西冷、安格斯肉眼、伊比利亚羊扒、伊比利亚橡果猪、法国鹅脾及是日新鲜鱼柳，睇来源地，就知唔喺普通货色。
炭烧西班牙伊比利亚有机无骨羊扒配蜜糖芥茉籽汁 $368西冷、肉眼、羊扒都喺心水，但要选一款，都喺以羊扒高些微票数得我欢心。初时谂住啲羊扒喺裁成一块块，估唔到厚切成一件件，食落好有炭火香，肉质腍滑，甚富肉汁，肉膻味唔太重，但最特别喺层表皮，卜卜脆得嚟好似食烧腩仔咁，非常特别，沾少少蜜糖芥茉籽汁，甜中带微辣。啲荷兰串茄焗过嚟，茄味更浓，却又依然多汁。
炭烧西班牙伊比利亚有机无骨羊扒配蜜糖芥茉籽汁
13 浏览
0 赞好
0 留言
法式低温香草焗法国鹅脾配忌廉焗薯仔片及法式油浸蒜头 $368表哥所拣喺法国鹅脾，因为佢话烧鹅脾就食得多，法国鹅脾唔知会喺点。讲笑咁讲，表哥话只鹅脾外观有啲似卤水鸡脾，但肉质非常松化，有少少鹅肉嘅膻昏香，只喺有少少过咸。而配菜比个羊扒精彩，除荷兰串茄，仲有忌廉焗薯仔片及法式油浸蒜头，前者好有薯香，带少少滑身，后者蒜味好浓缩，但就唔喺人人都钟意食。
鲜奶咖啡、意大利泡沫咖啡最后，两表兄弟齐齐叹杯咖啡，继续讲讲轶事。店家采用意大利品牌illy咖啡豆，质素自然差极有限，虽然小弟杯鲜奶咖啡嘅拉花麻麻，甚至有啲乱咁嚟嘅感觉，但咖啡味依然醇厚芳香，只喺口感欠绵密。
食法国菜通常俾人嘅感觉喺好高级，但嚟到Chez Bistro就无咗份拘束感，可以轻轻松松咁用餐。定价方面，以法国菜而言，加上所用嘅食材，实属相宜，但贪心讲多句，如果个套餐送多一客甜品就完整喇。
张贴
