陶園燒臘飯店 (已結業)

行过佐敦见到一间街坊烧味店就决定今晚斩料都好㖞人小小就咁叫左烧鹅，但系见到佢啲烧腩仔咁靓，热辣辣咁就决定叫埋。见到咁靓真系有冲动想即刻开个外卖盒食返件，但系疫情关系都系注重卫生啲好。返到屋企洗完手即刻试食一旧先，啲烧鹅好Juicy，系要一啖连埋皮食咁先正，又唔系好多肥膏既烧鹅，d肉味好有鹅香味，烧鹅有配一包豉油，但我觉得够味唔需要加都得。烧腩仔好靓，五花腩位，一层肉一层小肥膏，卡啦卡啦咁样，一啖食晒又系正，买完之后行左阵先返屋企都成三个钟，但系皮仲keep到脆，唔讲咁多啦煲饭先，送饭一流不得不赞呢类既街坊店舖，价钱平民实惠，加上服务态度一流，令你有种等外卖都唔觉得等紧外卖既感觉。老板同侍应都同d客有讲有笑，可能熟客关系。但系等紧外卖既时间，有客人问二人份量应该买几多，侍应都好老实咁回答，过磅多得济都要求换个旧，好睇得出真系用心对待客人，而唔系一买一卖咁简单既感觉。虽然短短逗留10分钟，但都感受到佢地既人情味。