影片
更多
2020-02-06
598 浏览
琴日夜晚经过深水埗， 见到呢间天下茶屋餐牌好似几吸引， 而且价钱唔贵， 于是就入嚟一试。张落餐纸都好精致，好日系啊， 满满的少女心啊😂最后叫咗一个唐扬鸡球咖哩饭、 一个火炙帆立贝汤乌冬，同一杯寒天袖子乌龙茶。唐扬鸡球咖哩饭， 拣咗激辛， 系有啲辣嘅， 但就真系未至于激， 应该话系唔系几够激😂但咖哩汁都算浓郁，味道都唔错， 鸡球嘅份量就唔太多， 但都算ok嘅，都几香口，但就有啲似系翻炸嘅。火炙帆立贝汤乌冬， 有四种汤底可以拣， 而且唔系普通𠮶啲汤底， 都几特别， 喺黑松露忌廉汤同明太子忌廉汤之间纠结咗好耐， 最后胜出嘅佳丽系明太子忌廉汤， 个汤一嚟到就睇落好吸引咁， 忍唔住即刻想饮一啖。 点讲好呢， 好似就唔系好明太子， 反而唔知点解有种似系蕃茄薯仔汤嘅味道， 虽然唔系好明太子， 但我自己觉得都几好饮嘅， 而且个汤好浓稠， 唔系平时稀溜溜𠮶啲汤水，浓稠既汤会令人想饮完再饮。 火炙帆立贝都有五六粒， 而且都算几大只，味道正正常常咁。呢杯寒天袖子乌龙茶， 虽然唔算好大杯， 但都算几足料， 入面有好多(蒟蒻?)，唔太肯定， 同埋袖子皮， 应该系平时人哋用黎用袖子食得果种， 就咁饮上面嘅有支乌龙
张落餐纸都好精致，好日系啊， 满满的少女心啊😂
最后叫咗一个唐扬鸡球咖哩饭、 一个火炙帆立贝汤乌冬，同一杯寒天袖子乌龙茶。
唐扬鸡球咖哩饭， 拣咗激辛， 系有啲辣嘅， 但就真系未至于激， 应该话系唔系几够激😂
但咖哩汁都算浓郁，味道都唔错， 鸡球嘅份量就唔太多， 但都算ok嘅，都几香口，但就有啲似系翻炸嘅。
火炙帆立贝汤乌冬， 有四种汤底可以拣， 而且唔系普通𠮶啲汤底， 都几特别， 喺黑松露忌廉汤同明太子忌廉汤之间纠结咗好耐， 最后胜出嘅佳丽系明太子忌廉汤， 个汤一嚟到就睇落好吸引咁， 忍唔住即刻想饮一啖。 点讲好呢， 好似就唔系好明太子， 反而唔知点解有种似系蕃茄薯仔汤嘅味道， 虽然唔系好明太子， 但我自己觉得都几好饮嘅， 而且个汤好浓稠， 唔系平时稀溜溜𠮶啲汤水，浓稠既汤会令人想饮完再饮。 火炙帆立贝都有五六粒， 而且都算几大只，味道正正常常咁。
呢杯寒天袖子乌龙茶， 虽然唔算好大杯， 但都算几足料， 入面有好多(蒟蒻?)，唔太肯定， 同埋袖子皮， 应该系平时人哋用黎用袖子食得果种， 就咁饮上面嘅有支乌龙茶都还不错， 但如果吸埋啲袖子好似就唔太夹， 因为啲味冇混合埋一齐， 而系好明显饮到两种味， 就觉得唔太夹咁， 但亦都可能系我个人唔太好呢种味， 未必系唔好饮嘅。
PS 见到隔离枱嘅芝士焗饭同小食都好似好吸引， 作为芝士控， 平时一定会叫芝士咖哩饭， 可惜琴日晏昼实在食得太饱太饱， 唔知下次有冇机会试到芝士咖喱饭同小食呢。
张贴
