華園甜品專家

营业中

休息中

新蒲岗星期六，日都比较少食店营业，好在华园甜品都有开，可以一尝米芝莲推介既糖水。虽然系米芝莲推介，但呢度既甜品价钱一啲都唔离地，大部份都系十几廿蚊左右，平民价就食到啲星级美食真系幸福。我叫左呢碗合桃糊都只系17蚊咋~ 好耐都冇食过咁平既中式糖水，仲要合桃糊磨到非常平滑，亳不起沙，入口即被浓浓合桃味征服，秋凉天气食更为保暖。其中一个招牌糖水就系喳咋啦~碗喳咋唔会因为只卖17蚊就偷工减料，反而仲好多红豆，芋头，西米露，腰豆等等，食完包你饱。仲有糖水唔会稀，椰汁奶味更起左画龙点精之用，喳咋混合椰汁后香甜味美。