粥如意

营业中

休息中

好耐无黎爱定商场啦，虽然佢而加叫HANDS，但呢个名真系好唔惯。去左街市买𩠌，见有间新粥舖开左，仲有啱啱出炉嘅油炸鬼同牛脷苏，好香啊～午餐就食呢度啦。除左粥外，小店都有几多其他野食，午餐仲有炒粉面饭添，见唔少街坊都叫左扬州炒饭，好大碟呀。叫饭嘅话送热饮，叫粥就有优惠价换饮品，优惠时段叫油器送豆浆（杯装）。猪润肉片粥谂紧食咩粥个阵，店员话猪润新鲜返货，咁就黎个猪润肉片啦，粥底绵滑，猪润爽口鲜味，肉片嫩滑，大大碗足料又好味。油炸鬼食粥要配油炸鬼，新鲜出炉香脆唔油腻，如果可以剪细多少少就好，咁长浸落粥吸唔透嘛。咸肉粽店员狂推荐自家粽，全部新鲜即日包㗎㖞，条咁热情就叫一只啦，反正今日端午都无食粽。只粽真系好绵呀，包著绿豆蓉同肥猪肉粒，肥肉好甘香，入口即化，仲有原只咸蛋黄，漏油㗎。哗！系好出色㖞，无推介错。食左好多淀粉质真系好饱呀，满足满足～题外话～顺便赞下收银小哥，街坊入黎问咩都有求必应，好似唔识用安心，唔识装钉卡，买外卖盒，酱汁分开装等，态度好又耐心，哈哈，好难得㗎。