水門雞飯 (汀角路) (已結業)

疫情关系，晚上6时后只可以外卖，依间餐厅一向以亲民价经营，依家仲要有7折，真真正正同香港人共同抗疫💪🏻出餐既速度好快，唔洗等好耐就有得拎，安排得好好👍水门鸡饭$50大大碟，海南鸡同饭既份量都好足，海南鸡唔会得几旧，而且鸡肉好滑，又唔会太肥，小妹连鸡皮都食埋，真系好滑嘟嘟😋油饭香口但唔会太油腻，饭既米水都岩岩好，一d都唔会糊口。配埋佢既秘制酱汁，好惹味，不过怕辣既朋友仔唔好成包落晒，最后分开享用，入面有d青色辣椒粒好刺激架😝仲有个冬瓜汤，带有些少胡椒味，不错哟！泰底凤爪$48无骨凤爪，酸酸辣辣(微辣程度)，一碟满满的，好抵食！