肉肉強食 by 鋒膳 (已結業)

今晚长沙湾放工，在元州街跟东京街交界见到一间叫「肉肉强食 by 锋膳」嘅餐厅，感觉好适合我呢位食肉兽。餐厅有着怀旧扒房嘅装修，空间大，卡位多，价钱方面系走亲民路线。铁板蒜蓉大虾带子伴牛柳点菜一会，店员就将热辣辣铁板餐捧过来，当蒜蓉汁淋在铁板上，香浓嘅蒜香味就扑面而来，即是食欲大增。开边大虾有手掌咁长，够新鲜，而且仲有虾膏；带子亦都够厚身，味道鲜甜。主角牛柳，用刀切开后，中心部份粉嫩，完全做到五成熟嘅要求，火候控制得好好，值得一赞。肉质够稔，没有筋，牛肉味浓郁，相信用咗优质嘅牛柳。瑞士鸡翼有成五只唔细嘅鸡中翼，依个价钱来讲性价比极高。瑞士汁味道浓郁，带微甜，鸡翼腌得够入味，肉质嫩滑，令你食完一只、又一只。芝士焗西兰花西兰花铺满香浓嘅芝士，而且份量都几多。西兰花没有焗得太过干身，能食到本身嘅爽甜，够新鲜。