影片
更多
2018-06-29
2496 浏览
行完山，又要返荃湾聚会，最好嚟路德围呢边揾食，因为选择十分之多，而且，唔少食店卖嘅嘢有特色，定价亦好大众化。「韩阁」就喺其中一家，卖韩国菜，菜式种类多，价钱贴地，吸引到唔少年轻人帮衬。我哋嚟得早，都未够6:30pm，店内一样坐满人。里面地方其实唔大，座椅都排得颇逼，逼逼哋大概坐到30、40人。不过，透过几面玻璃，营造出空间感，红砖墙、铜水管、昏黄吊灯，带点工业风。记住嚟呢度唔喺食服务、环境，所以，要有少少心理调节。打开餐牌翻一转，所卖韩国菜嘅种类可以讲得几齐全，炸鸡、汤锅、铁板、饭品、面类、小食、野菜小品、特色手卷、一人锅、韩式特饮……等等，款式多到可以媲美港式茶记。果然定价相宜，而且，点任何食物，都可以加配白饭、炒野菜拉面、年糕……等等。顺带一提，好似茶记咁，餐具早已放晌枱下嘅柜桶中。泡菜、大豆芽和菠菜落好单，先送上韩式前菜，爽脆酸辣韩式泡菜、充满麻油香嘅大豆芽及嫩滑无渣嘅菠菜，正所谓各有特色。真露煮海蚬 $48如日式嘅清酒煮蚬，法式嘅白酒煮青口，加入韩国烧酒「真露」去煮，最特别嘅地方喺以铜盘呈上，甚具韩风。酒味唔太重，蚬肉鲜甜，汤内仲有滑豆腐、洋葱，所以，食完啲料千祈唔好嘥个汤唔饮
我哋嚟得早，都未够6:30pm，店内一样坐满人。里面地方其实唔大，座椅都排得颇逼，逼逼哋大概坐到30、40人。不过，透过几面玻璃，营造出空间感，红砖墙、铜水管、昏黄吊灯，带点工业风。记住嚟呢度唔喺食服务、环境，所以，要有少少心理调节。
打开餐牌翻一转，所卖韩国菜嘅种类可以讲得几齐全，炸鸡、汤锅、铁板、饭品、面类、小食、野菜小品、特色手卷、一人锅、韩式特饮……等等，款式多到可以媲美港式茶记。果然定价相宜，而且，点任何食物，都可以加配白饭、炒野菜拉面、年糕……等等。顺带一提，好似茶记咁，餐具早已放晌枱下嘅柜桶中。
泡菜、大豆芽和菠菜落好单，先送上韩式前菜，爽脆酸辣韩式泡菜、充满麻油香嘅大豆芽及嫩滑无渣嘅菠菜，正所谓各有特色。
真露煮海蚬 $48如日式嘅清酒煮蚬，法式嘅白酒煮青口，加入韩国烧酒「真露」去煮，最特别嘅地方喺以铜盘呈上，甚具韩风。酒味唔太重，蚬肉鲜甜，汤内仲有滑豆腐、洋葱，所以，食完啲料千祈唔好嘥个汤唔饮，挺鲜甜架。
真露煮海蚬
$48
24 浏览
0 赞好
0 留言
泡菜猪肉芝士手卷 $38虽然叫手卷，但称为寿司卷就较为习惯啲，韩国特色手卷有4款选择：牛肉杂菜、泡菜猪肉芝士、杂锦、海鲜。加入泡菜、芝士，令啲手卷几惹味，咸中带点微辣，加上猪肉、青瓜，口感丰富，而且，馅料清晰可见塞得唔少，唔会得嚿饭咁揾笨。
亚之妈炸鸡（秘制甜酸酱油味）$88/ 半份炸鸡有众多口味，而呢一款甜酸酱油味未有试过，睇睇如何秘制。虽然只喺点半份，但份量十足，堆满一大碟，两三个人都够分。确信佢喺即点即炸，因为送到嚟新鲜热辣，直头熨手，而味道好正，甜酸味有层次，酱油令味道更浓郁，炸浆厚薄适中，酥脆又唔硬，肉质嫩滑，尤其鸡翼同脾位，兼且啲酱汁入晒味，卖$88真喺超值。如果够人多，真喺想叫多份呀！
亚之妈炸鸡（秘制甜酸酱油味）
$88
39 浏览
0 赞好
0 留言
梦幻蝶豆花特饮 +$12外面天气鬼咁热，加上食炸鸡，点都喺叫冻饮嘅。朋友嘅蝶豆花特饮，紫色果然显得够梦幻，但其实味道就唔会太特别，因为，蝶豆花本身喺无乜味。
荔枝梳打 +$12而我杯荔枝梳打唔喺斋梳打加糖水，坚有啲荔枝果肉，入口好有荔枝香味，就算罐头货都叫俾足诚意啦，因为，有时出面饮到嘅荔枝梳打只喺沟糖水。
路德围呢边确喺超多食肆，竞争唔细，不过，见佢哋食物做得有水准，定价亲民，怪唔得有咁多后生仔帮衬，离开时，门口真喺企满后生仔等位架。
张贴
