影片
更多
2021-01-02
559 浏览
最近刚搬迁至土瓜湾天光道近马头围道，疫情当下，当然会第一时间周围视察环境(睇吓夜晚有咩好食)，除了对面北帝街及其他主要食肆外(都是一般货色，不过不失)比我发现这边天光道小斜路上(靠背垄道口)有一小店开到好夜，夜晚10点几11点还未收舖，急忙走去八吓，发现哩间小店夜晚收12点，主打外卖，竟然有芝士焗饭食，第一时间想到芝士焗猪扒饭啦！又要多个芝士焗鱼柳饭先，有鲜茄汁或忌廉白汁拣，除此之外重有铁板串烧同埋其他扒饭类，但试唔到咁多，(下次再试)，order后大概十分钟就有，老板哥哥重送咗忌廉汤比我饮(送完即止)，即刻赶快归家医肚，2个饭都焗得好靓仔，芝士鲜茄汁同忌廉白汁好够味，尤其是个鲜茄汁嘅酸甜度做到刚刚好，猪扒软淋，鱼柳又新鲜，不是一般咸到霉嘅货色，连个忌廉汤都做得唔错！挂住食唔记得影相最惊喜嘅系性价比高，只系$36咁嘅价钱比到咁嘅水准比你食，重想点呀大佬！老板哥哥重提我下次可打电话落order先，天气唔好唔驶食风呀！(做得咁有heart，加油呀！💪🏽)
张贴