紅橋 (已結業)

舖头喺花园街同埋金鱼街附近，都算几四通八达容易揾到，铺面唔算好大，就系一般会见得到嘅餐厅咁样，我同屋企人行行吓街有啲肚饿就求其入咗去。我哋都系求其拣咗少少嘢食，拣咗海南鸡半只加咗碟油饭两个人share，海南鸡食到少少麻油香味，上面审咗少少应该系干葱嘅物体，都几香，而分量都OK，不过碗饭都几大碗，装到满一满咁，两个人食一碗，唔系好大食嘅话都够食。我哋仲一人嗌左一碗汤饮添，都只系$12一碗，一碗系中汤（木瓜花生眉豆汤），另一碗系西汤（忌廉蚬肉汤），味道都OK，而且价钱一啲都唔贵，有咁嘅质素都唔错👍