坐忘 (已搬遷) 新店位置

大家好评嘅餐厅，一定要去试试啦！餐厅标明系天然无添加，No MSG，好，就试试有无误导食客。第一个试嘅就系杂菇茄子牛肋咖哩饭，第一下入口嘅感觉系：无言，好味道出唔到声。日本咖哩香味好好，香料十足，浓度刚好，无论辣咸甜嘅味道都调得好balanced，所有配菜都有咖哩香味，个牛甚至有先煎过嘅香味添。个系珍珠米，沟左一d番薯，加上咖哩汁，甜香无得顶！第二个试嘅系7小时慢煮猪软骨，唯一一个大问题嘅系应该先食呢个，后食咖哩，因为咖哩味道比较浓，而猪软骨味道比较清，所以感觉有d反差。猪软骨味道好好，入口即溶，唯一希望嘅就系可以多小小汁可以捞饭。饭都系用左珍珠米，好一粒一粒黏黏嘅感觉，口感好好。食后感：用心制作，系天然食材，新鲜材料，份量十足，价钱平民，味道满分，一定再去！