媽咪隨意屋 (已結業)

经过元州商场见到依间妈咪随意屋，本身以为系食住家饭，点知原来系泰式餐厅，见到餐牌几吸引，又有唔少人等外卖，依是黎到依到食番餐。餐厅位于商场嘅open area，阳光充沛，非常舒适~首先点咗主食 泰式牛肉金边粉 配冬阴公汤($43)，最令我惊喜嘅系个汤底，香味浓厚，酸酸甜甜，系用咗香芽同其他香料熬制而成，仲有蕃茄同菇类，非常开胃，饮哂成碗都得！配料有肥牛同埋牛丸，而金边粉亦都十分爽滑，成碗面只系需要$40可以话非常抵。串烧司华力肠(套餐+$10)，竟然系一整条，非常猛料，焦脆嘅外皮包住软实嘅肉，配上泰式辣酱之后惹味十足。菠萝蝶豆花(套餐+$11)，蝶豆花营养价值丰富，因为系蓝色所以制作出黎嘅饮品都有种魔幻嘅感觉，依杯蝶豆花一层蓝色一层黄色，打卡一流，仲可以饮得健康！